尋日介紹咗北京水餃（其實係介紹餃子），今日阿史就想講一款阿史好鍾意食嘅外江菜，就係上海粗炒喇！記得細個個陣樓下有間上海菜食肆，上海粗炒基本上係經常會點。不過有一次阿史去上海個陣，就搵唔到呢味餸，點解會咁呢？


其實上海粗炒係香港嘅地道菜，據講响1950年代，大批上海人嚟咗香港生活，於是就上海嘅飲食文化引入香港。之不過，過程中又出現咗啲變化，衍生出香港嘅上海菜，上海粗炒就係一種類似乾炒牛河嘅炒粉，不過又受歡迎喎，就咁成為咗上海名菜喇！至於係咪好似揚州炒飯咁唔多關揚州事呢？咁又唔係無關係喎，因為上海粗炒炒嘅係上海粗麵。


原圖嚟自網絡