好細個個陣,阿史睇大台《新紥師兄》個陣,好記得小虎隊唱嘅主題曲第一句:「哪吒不怕海龍王」,大個啲之後就睇大台嘅《封神榜》,之後就知哪吒有幾神通廣大。哪吒可以話係中國民間一個家傳戶曉嘅傳說角色,咁史友們就知唔知,原本香港有間廟係供奉呢位三太子呢?


無錯喇!呢個地方就係深水埗嘅三太子廟,呢間三太子廟又稱哪吒廟。據資料所載,三太子廟建於光緒二十四年,即1898年,建廟原因係香港响1894年發生咗一場瘟疫,唔少深水埗居民覺得係有妖怪作祟,於是就响廣東惠陽迎接三太子神像坐鎮深水埗,驅邪鎮妖。後嚟瘟疫過去,居民們為酬謝神恩於是就建廟供奉哪吒喇!


三太子廟係香港唯一一間供奉哪吒嘅廟宇。


原圖:華人廟宇委員會網站