如果有追開史檔嘅史友,都應該有印象阿史介紹過屯門呢個地方。屯門呢個地名出現時間仲早過「香港」呢個名,睇返唐代嘅資料已經見到呢個地名。呢個有「屯兵之門」嘅軍事要點,原來係隸屬於一個大有來頭嘅機構

當時屯門軍鎮係隸屬於安南都護府,係唐代六個都護府之一,管轄交州地區,專門管理南部邊疆地區的機構。據《唐會要》關於安南都護府嘅內容,就有關於屯門嗁記載:「開元二十四年正月,廣州寶安縣新置屯門鎮,領兵二千人,以防海口。」响唐代初期,唐朝政府就設置咗九個都護府,後嚟減至六個,即安東、安西、安南、安北、單于、北六大都護府。安南都護府於679年設置,前身為622年設置交州大總管府,歸嶺南道管轄。如果對照今日嘅地圖,安南都護府就係廣西、海南同越南一帶地區。


講到安南都護府,最重要兩個任務:第一個就係管理地區政務,「掌統諸蕃,撫慰征討,敘功罰過」;另一個就係管理轄境嘅防務工作。所以,駐紥二千兵力嘅屯門軍鎮隸屬於安南都護府可能就係呢個因由。


原圖嚟自網絡