「慰安婦」受害者去世

日本响二戰期間，响佔領區強制徵集當地婦女為慰安婦，並被迫為日軍士兵提供性服務。由於日本至今始終未就慰安婦相關議題道歉並賠償，令日本與中國同南韓等鄰國關係緊張。

據侵華日軍南京大屠殺遇難同胞紀念館消息，响3月17日下午，曾被迫成為慰安婦的受害者卓天妹在家中去世，享年96歲。卓天妹生於海南，1940年15歲被日軍捉走淪為慰安婦，她生前曾接受傳媒訪問憶述當時苦況，話除咗被日軍欺辱，仲成日被日軍毆打，搞到傷痕累累，所過嘅根本唔係人過嘅日子。

响卓婆婆離世前一日，係佢老人家嘅生日，仲同家人以及義工一齊度過生日。