1941年12月25日香港淪陷,開始咗三年零八個月嘅日治黑暗歲月。响淪陷之前,雖然香港周邊戰雲密佈,但相比起中國境內,香港仲算係一個太平之地,當時甚至有香港人諗香港可以避過日軍嘅入侵。


淪陷前嘅香港,一直都係亞洲地區最繁忙嘅商港,亦因為咁當時港島北部特別係中上環一帶非常繁華。美國著名記者哈里森·福爾曼Harrison Forman就响香港淪陷前嚟過香港,仲影咗唔少當時香港嘅市況。阿史見到呢輯相都係覺得好正,好似香港會、滙豐銀行大樓,仲有人响中環攞住直幡做人肉廣告板。從福爾曼當年拍低嘅珍貴照片,就可以了解到香港响淪陷前嘅都市面貌。


講多句,想睇Harrison Forman生前响香港影嘅相,史友們可到威斯康星大學密爾沃基圖書館UWM Libraries網站搵搵。除咗戰前香港,仲有唔少戰後香港嘅珍貴相片,值得史友們去睇睇。


圖片來源:UWM Libraries