20萬北平市民見證日軍投降

中國人經歷八年抗戰，最終响1945年迎嚟日本無條件投降嘅時刻。相信史友們都知道响1945年9月9日於南京市舉行一場南京日本簽署投誠書嘅儀式，日本軍總顧問長小林淺三郎向中國陸軍總司令何應欽呈遞降書。咁大家又知唔知，响1945年10月，北平亦有一場盛大嘅受降儀式呢？

呢場受降儀式係响1945年10月10日上午10時响紫禁城太和殿舉行，係第十一戰區受降典禮。講返少少背景，响1945年，國民政府將冀察戰區改設為第十一戰區，作戰區域為河北、山東地區，司令長官為孫連仲。

講返呢次受降儀式，北平百姓為見證受降時刻，就有成20萬人聚集响太和殿前廣場。而呢場受降儀式，亦有蘇聯、美國、英國、法國等盟軍代表參加。呢次受降儀式日本投降代表係平津地區日本官兵善後聯絡部長根本博，佢响受降台上簽字後，根本博雙手捧著自己佩刀向孫連仲鞠躬示禮，並將佩刀放响受降台嘅枱上。