宋慶齡响香港組織救國事業

1937年七七蘆溝橋事變發生後無耐，八年抗戰正式開始，但由於中國嘅大城市陸續失陷，當時仲係英國殖民地嘅香港就成為咗要嘅救國後援城市，孫中山先生遺孀宋慶齡响香港淪陷前亦嚟咗香港積極進行救國事業。

响1938年6月，宋慶齡就响香港成立咗保衛中國同盟，致力為戰時醫療救濟同埋兒童福利工作。1938年8月，工合香港促進委員會成立，成為工合上海促進委員會同中國工業合作協會之間嘅樞紐，宋慶齡亦成為工合香港促進委員會名譽主席。到咗1939年5月，宋慶齡、陳翰笙等人發起成立工合國際促進委員會，向海外華僑以及團體募捐，收集大批物資同捐款以作支援抗日軍民之用。

响1937年至1941年，宋慶齡响香港積極推動救國事業，四處奔波，直到香港淪陷前，响炮火聲中告別香江。