「定過抬油」真係同抬油有關？

話說前幾日有幾個新人嚟公司見工，其中一個阿史就特別印象深刻，因為波士見完佢之後，就同秘書講，啱啱個樣「定過抬油」果個，叫佢返嚟Second-in。秘書當然係黑人問號咁唔明點解啦，「定過抬油」原來真係同抬油有關。

昔日嘅香港係有唔少油莊，而呢啲油莊自己都會有工場生產食油，主要就係以花生油為主，用傳統嘅方法即係用木楔去壓啲花生從而令到佢地嘅油脂爆出嚟，借咁樣去收集花生嘅油分，再用木桶裝住。咁每個木桶都有一定重量，呢個時候就需要有大隻嘅油莊工人負責送貨去唔同地方。唔好以為油莊工人好好做，當年嘅油加埋木桶其實好重好貴，又會唔小心漏出嚟，一個唔覺意踏到啲油，就會連人帶桶仆低。所以，以前送油嘅工人都要好穩陣，好腰馬先做到。

後來，大家就開始用「定過抬油」去形容一啲胸有成竹、十拿九穩嘅事。