繼之前話免費電視頻道唔需要再播教育電視之後，近日教育電視又傳來壞消息，就係出年開始香港電台停拍ETV，改以網上重播。相信史友都知阿史係ETV忠實粉絲，呢個消息真係令阿史覺得世界末日.jpg。

教育電視於1971年開始服務，當時香港廣播事業發展一日千里，於是教育署就與時並進，製作教育電視節目以配合學校課程，以豐富學生學習經歷。最初期只播映小學三年級節目，後嚟就逐步增加製作，以及拓闊服務對象。播咗咁多年，ETV啲經典多到數唔晒，細菌大王（真人同泥膠版）、Q博士、一班演技麻麻嘅童年演員，（當年）港台台花參演，HelloHello無限loop，仲有八十年代一班老是常出現嘅外國演員，真係無數美好回憶。

原圖嚟自網絡