2014年4月16日,南韓一艘名為世越號嘅客輪喺由仁川港出及到濟洲島嘅途中,發生船難沉沒,事件中有304位乘客同埋船員罹難,係韓國自1970年代以嚟最嚴重嘅渡輪災難。

事發當日,世越號上一共有476位乘客,當中有超過300人係安山市檀園高等學校嘅學生。當呢艘船隻直線航行嘅途中,突然發生巨響,而客船就以一個唔合符合工程力學嘅「J」字形向右急轉。船上嘅閉路電視系統同埋自動識別系統都喺同一時間故障,船身亦都劇烈傾斜。當時船員就通過廣播要求全體乘客停喺原地,但過咗一陣,船長就同部分高級船員率先棄船逃離,船隻喺傾覆後嘅第三日完全沉沒。

據事後調查,其實海洋警察廳喺事發後係有巡邏艇抵達現場,但當時就未有即時救援,而且喺黃金救援時間72小時內,都未有任何營救行動,亦都唔畀民間潛水員進入現場。由於關鍵嘅數據都冇晒,事故嘅原因到依家都仍然未解,但受到南韓民眾同埋主流媒體施壓,成個南韓政府都陷入政治危機,船難相關嘅53人罪名成立。

原圖嚟自網絡