南京大屠殺倖存者朱秀英去世

據南京大屠殺遇難同胞紀念館官方消息，指南京大屠殺倖存者朱秀英喺昨晚嘅11點30分去世，享年92歲。

朱秀英9歲嘅時間，就係1937年日軍進入南京城嘅年份。喺果年嘅12月13日，日軍入城果陣佢就想同媽媽爬落床下底匿埋，但點知當朱秀英爬落去嘅時候，就畀一個日本軍人捉住，當時仲拎住把刺刀想殺咗佢。而呢一幕就畀一個婆婆見到，婆婆下跪求日本兵放過朱秀英。朱秀英大難不死，但佢嘅舅爺爺就畀日軍捉到笪橋市後殺害。

隨住朱秀英嘅離世，南京侵華日軍受害者援助協會登記在冊在世嘅倖存者就只係得返74位。