切爾諾貝爾核事故

喺1986年4月26日，喺前蘇聯嘅切爾諾貝爾核電廠就發生咗一次被認為係史上最嚴重嘅核災，史稱切爾諾貝爾核事故。咁呢次事故到底有幾嚴重呢，喺國際核事件分級表入面，呢個係第一個被評為七級嘅核災。

喺1986年4月26日嘅凌晨，切爾諾貝爾核電廠四號嘅反應堆因為操作人員嘅訓練不足而令到功率急劇增加，反應堆突然爆炸，即時就有31人因為輻射洩射而死亡，60萬人受到核輻射感染，仲有唔少人因為咁而患癌死亡，受影響嘅人數到今日仍然仲統計緊。

事發後，大量高能量放射線物質釋放到大氣層，據估計當中嘅放射線劑量係二戰廣島原子彈嘅400倍以上，核污染仲隨雲層飄到前蘇聯西部、西歐同埋東歐等地，呢場災難估計造成兩千億美金嘅損失，係近代歷史上代價最慘重嘅災難之一。