尋日阿史就同大家分享過香港歷史建築物嘅郵票，而幾座建築物入面，有一座係見證住灣仔填海嘅廟宇，呢座就係灣仔嘅洪聖廟喇！

宜家被列為一級歷史建築嘅洪聖廟，位於大王東街同埋大王西街交界。最初嘅洪聖廟就只係海邊岩石上面嘅一個神壇仔，但附近嘅街坊後來就喺岩石嘅基礎上加建廟宇，所以今時今日入到洪聖廟都仲會見到廟宇入面有大塊嘅岩石。

洪聖廟喺1847年建成，但好快就喺1860年進行重建。呢座廟宇嘅規模唔大，雖然係三間嘅設計，但就只有一進嘅深度。洪聖廟以前真係望到海，但就因為灣仔海傍填海，令到廟宇依家入咗內陸。洪聖廟隔離，仲有一座「望海觀音廟」，顧名思義，就真係望到海！

講開又講，其實喺2015年灣仔洪聖廟曾經暫時封閉，原因係有七成嘅橫樑都被蟲蛀，認真危險。

原圖嚟自網絡