介紹完灣仔嘅法定古蹟北帝廟之後,有史友就問呢座廟所有嘅石水渠街點解會有呢個名,當年又係咪真係有條大水渠呢?

石水渠街今時今日就分成兩段,一段就同灣仔道平行,另一段就喺皇后大道東一邊,而呢條街嘅歷史真係相當悠久,亦都有唔少歷史建築喺呢條街上被條留落嚟,除咗玉虛宮之外,仲有拎過聯合國保護獎嘅藍屋。

石水渠街嘅命名並唔係無緣無故,早年灣仔呢個地方喺18世紀嘅時候真係有條大水渠,早年灣仔基層就係沿住呢條明渠展開佢哋嘅生活圈,搭建木屋,拎呢度嘅水嚟煮食,環境真係幾一般。而自從1860年代有一位叫做彭華嘅商人就喺一次拍賣入面買到大部分石水渠街以東嘅土地,希望用嚟做住宅同工場。於是,寺到1920年代,呢條大水渠就開始被填平,石水渠街亦都只係得返個名。

原圖嚟自網絡