荔枝角係客家話 解做「兒子在沙灘上的腳印」?

呢排阿史就少咗出街，多咗留喺屋企，咁就唯有隔住個mon睇下舊相，而其中一個阿史留意到嘅地方就係荔枝角。

荔枝角嚴格而言並唔係呢個地方第一個名，荔枝角原名係叫做「孺仔腳」、又或者「孺地腳」，意思即係「兒子喺沙灘上嘅腳印」。可能史友們聽完都唔明點解，而且呢個地名讀起上嚟都唔順口，所以後來就雅化咗做「荔枝角」。

雖然話係雅化，但並唔係無綠無故，而係因為「荔枝角」所在嘅位置係一個圓形嘅海角，十足十一粒喺海邊嘅荔枝，所以就改用呢個名。以前嘅荔枝角其實比較荒蕪，喺1920年代嘅時候，荔枝角就被填咗個海灣用嚟起油庫，而二戰之後油庫就搬遷，原有嘅土地就改建成全港首個大型私人屋苑美孚新邨，今時今日已經成為中產人士嘅集中地，當中嘅故事有機會再同史友們介紹。