呢排鴉片戰爭呢件歷史事件忽然成為全城焦點,繼有小學老師亂咁解釋鴉片戰爭由來之後,又有報紙話有教科書話引用西方學者觀點批評林則徐禁煙措施「毫不考慮禁煙對中英關係的衝擊,輕率地單方面嚴禁鴉片,這顯然是不明智的做法,並最終釀成戰爭」,仲叫學生評價林則徐做法明智與否。

如果史友有中學讀過世史,都認識知道西方世界一直有個觀點,就係視鴉片戰爭為一場由貿易引發嘅戰爭,前因包括遠因同近因都有好多,例如清廷一直無處理好英國提出通商嘅素求,之後响鴉片呢個問題上無一個雙方滿意嘅解決方案,之後就發生連串事件,就咁打起仗上嚟喇!

不過史友們可以從另一個角度諗,鴉片可唔可以當係正常商品呢?如果係正常商品,清廷就唔會有嚴禁同弛禁嘅爭論,但鴉片係毒品喎,搞到白銀外流仲要令國人健康受損,道光皇帝叫林則徐禁煙都好易理解。所以要了解鴉片戰爭,的確唔可以純粹因貿易糾紛而影響中英關係嘅角度去睇。

原圖嚟自網絡