講到1919年嘅五四運動,以前讀中史個陣就一定會提到當時嘅北京大學生「痛打章宗祥」同「火燒趙家樓」,呢兩件事亦可以話係1919年5月4日當日示威行動一個高潮。

五四運動期間,愛國學生們因北洋政府响巴黎和會代表談判不力,原來德國霸佔咗山東省同相關權益唔係交還返俾中國,而係轉交俾日本。呢件事令民眾非常憤怒,於是學生矛頭就指向三名親日派官員,佢哋就係交通總長曹汝霖、中國駐日公使章宗祥同貨幣局總裁陸宗輿。五四當日有學生就响遊行示威期間走到曹汝霖住宅趙家樓抗議,後嚟仲衝入趙家樓,毆打咁啱响裡面嘅章宗祥,之後仲放火燒咗趙家樓。後嚟警察總監帶隊趕到並拘捕咗32名學生。

後來,事件演變成全國性大規模罷課、罷工以及罷市。北洋政府受到巨大壓力,最終响6月10日將曹、陸、章三人免職,更正式拒絕响凡爾賽條約簽字。

原圖嚟自網絡