八國聯軍有邊八國

喺第一次鴉片戰爭同埋英法聯軍之役後，1900年嘅清政府就再次面對重大嘅危機，就係八國聯軍軍事攻入大清，佔領北京城。

喺1894年甲午戰爭之後，清政府以戰敗同日本簽定《馬關條約》，呢次戰爭嘅失敗令到清政府嘅國際地位一落千丈；再加上義和團嘅興起，喺1900年4月就以「扶清滅洋」作為口號，入到北京城燒教堂、拆電線、殺外國人等。對於義和團嘅行為，清政府並無進一步鎮壓，呢個舉動令到觸怒當時列強，再加上義和團廊坊一戰大勝，促使列強聯軍出現。

講返八國聯軍，分別就有英國、美國、法國、德國、俄羅斯、日本、奧匈帝國、意大利八國由最初3萬人到後來5萬人組成嘅聯軍。呢八國嘅聯軍攻入北京城，仲將北京分成唔同佔領區，迫到慈禧太后同光緒帝走到西安，最後同十一個國家簽訂《辛丑和約》。