介紹完為咗連接當時新界西面同埋九龍市區而起嘅屯門公路之後，阿史就想講下呢個同沙田、荃灣都係被歸納做第一代嘅新市鎮—屯門新市鎮。

屯門新市鎮據講以前係叫做青山新市鎮，呢個新市鎮嘅範圍主要係依家嘅青山灣填海區、青山同埋九逕山之間嘅地，唔少土地都係由填海而得返嚟。由於呢個新市鎮係以屯門區做中心點，所以就有人叫呢個新市鎮做屯門市。

屯門新市鎮嘅構思早喺1965年就出現，去到1970年代就真係開始動工，由於要配合十年嘅住屋計劃，所以政府係用咗唔少預算去喺公共設計同埋道路網絡。區內既有住宅區、工業區、商業區，當時係希望居民可以喺區內自給自足，但就因為香港工業式微，令到唔少市民都係需要出返市區就業。時至今日，呢個新市鎮就已經有50萬人口喇！

原圖嚟自網絡