喺八國聯軍入侵北京城嘅時候,其實當時嘅中國仲面對住唔少危機,其中一項最出名嘅就係發生喺海蘭泡同埋江東六十四屯嘅慘劇,史稱海蘭泡慘案、江東六十四屯慘案,後來兩件慘案就被合稱叫做「庚子俄難」。

「庚子俄難」係咩事呢?講返少少背景,喺1858年,黑龍江將軍奕山就同俄國喺璦琿簽咗一條《璦琿條約》,與此同時其實太平天國同英法聯軍都同時進攻嘅當時中國,所以《璦琿條約》係為咗「調停」俄國嘅入侵,而失去對黑龍江以北60萬平方公里領土同埋烏蘇里江以東40萬平方公里土地,當中就包括海蘭泡,而江東六十四屯就係保留咗中國居民嘅居留權。

本身中俄居民都相處得好地地,雙方仲互相有經濟上嘅合作,但隨住後來俄國移民增加,經濟、資源不穩令到雙方矛盾增加。1900年7月17日至21日發生嘅「庚子俄難」,就係俄國借義和團破壞東清鐵路一事做藉口,對海蘭泡同埋江東六十四屯嘅中國居民進行大屠殺。據估計,呢兩個地方合共有7000幾個中國居民死亡。

原圖嚟自網絡