中國內地現存最古老海關鐘樓—粵海關大樓

講鴉片戰爭嘅歷史，成日都會提到「一口通商」、「五口通商」呢啲關鍵詞，而喺五口通商之前，清朝年間就只有粵海關呢個關口允許外國商船出入。以前嘅「粵海關」就因為大火已被燒燬，現存嘅呢個粵海關大樓其實係喺1914年起嘅。

位處廣州市荔灣區沿江西路嘅粵海關大樓，又叫做「大鐘樓」，喺1916年建成，係廣州一座近代嘅西洋建築，喺呢座建築嘅正門拱券，就大大隻字寫住「粵海關」，英文係拉丁文寫嘅「CVSTOM HOVSE」。

咁點解廣州會有一座外國建築呢？原來喺19世紀下半葉，經歷過兩次鴉片戰爭之後，沙面已經係租界嚟，而粵海關亦都係由外國人開始主導，所以為咗方便辦工，就喺興建一座粵海關稅務司公署。原本嘅粵海關稅務司公署就經歷過大火而燒燬，依家嘅大鐘樓就係1914年由粵海關監督宋壽徵、廣東民政長李開侁奠基興建嘅。