介紹完新界五大族,阿史就想再同史友們介紹下佢哋村落入面嘅一啲重要建築物。位於元朗屏山入面,就有一座建於清朝咸豐年間、被稱為屏山三大建築之一嘅達德公所。

達德公所係現時唯一一個仲有村落聯盟聚會、祭祀等功能嘅公所,現時為止就已經有150年歷史,仲已經被列為法家古蹟。據講呢座建築係由屏山鄉紳鄧勳猷倡議喺咸豐七年(一八五七年)年興建,最初嘅目的除咗係想做市集管理處,仲想提供一個地方等達德約嘅成員聚會聯誼。

達德公所嘅設計簡單實用,主要以花崗石做牆基,再用青磚建成。最初嘅時候就只係一間兩進三開間嘅建築,但喺清朝同治五年(一八六六年)之後,就喺建築物嘅兩邊加建「慰寂祠」同埋「英勇祠」,用嚟紀念早年「達德約」因為同其他村落械鬥而犧牲嘅居民。

講開又講,喺《展拓香港界址專條》公布嘅1898年,呢度仲係達德約發動「抗英揭貼」、組織男丁共同抵抗英軍嘅地方。

原圖嚟自網絡