僧格林沁戰死 立專祠「顯忠」

早幾日講過晚清軍事重要人物僧格林沁一啲事蹟，相信讀過清史嘅史友都知僧格林沁嘅死被稱為晚清一個重要轉捩點。實際上佢嘅死對清廷而言係帶嚟咗好大震撼。

僧格林沁响1865年嘅高樓寨之戰戰死，消息傳到京城之後，震動清廷上下。對於呢位名將，清廷以親王規格為僧格林沁舉行葬禮，慈安同慈禧兩位太后親到僧格林沁府中致祭，並配享太廟，諡日「忠」。後嚟光緒親政，就响京城內興建專祠，曰「顯忠」，足見清廷對呢位名將嘅重視

其實後世人都認為，僧格林沁一死，以滿蒙貴族再無具份量嘅戰將，面對內憂外患嘅清廷，焗住要重用曾國藩、左宗棠呢啲屬地方實力派嘅漢人，所以話僧格林沁為晚清一個重要轉捩點，可能唔算誇張。