尋日文憑試世界歷史考卷因為問考生對「1900-1945年,日本對中國利大於弊」嘅睇法,結果掀起一場大風波。今日响網上就有唔少人為考評局辯護,部分人仲話已故中國領導人毛澤東生前多次「感謝」日本侵華。

其實睇返大陸官方出版嘅《毛澤東外交文選》,毛澤東生前的確對日本人多次講「感謝日本侵略」之類嘅說話。好似佢响1960年會見會見日本文學代表團時就講過:「中國地方大,打了十年內戰。以後同日本軍閥打仗,又和蔣介石合作。我同很多日本朋友講過這段事情,其中一部分人說日本侵略中國不好。我說侵略當然不好,但不能單看這壞的一面,另一面日本幫了我們中國的大忙。假如日本不佔領大半個中國,中國人民不會覺醒起來。在這一點上,我們要『感謝』日本『皇軍』。」(見〈美帝國主義是中日兩國人民的共同敵人〉,《毛澤東外交文選》)其他例子仲有毛澤東响1961年會見日本社會黨議員黑田壽男時講過:「就是因為日本『皇軍』佔領了大半個中國,中國人民別無出路,才覺悟起來,才武裝起來進行鬥爭,建立了許多抗日根據地,為解放戰爭的勝利創造了條件。所以日本軍閥、壟斷資本幹了件好事,如果要『感謝』的話,我寧願『感謝』日本軍閥。」(見〈日本人民鬥爭的影響是很深遠的!〉,《毛澤東外交文選》)其實類似例子仲有,响呢度就唔盡錄喇!

其實對毛澤東生前講呢類話語,响大陸都有唔少人討論同研究,當中較主流嘅睇法就係佢講「讚頌」「感謝」呢類說話,好多時係語言特點,話中係帶有反諷同奚落之意。好似佢响1958年會見保加利亞、阿爾巴尼亞、羅馬尼亞、蒙古、蘇聯、波蘭六國代表團時就「讚」過蔣介石:「有一個蔣介石比較好,是不是?你們覺得有一個好還是沒有好?沒有蔣介石中國人民就不能進步,就不能團結起來,也不能武裝起來。單是馬克思主義是不能把中國人民教育過來的,所以我們除了馬克思主義者的教員以外,請了另外一個教員,這就是蔣介石。」(見〈杜勒斯是世界上最好的反面教員〉,《毛澤東外交文選》)唔難睇得佢係串緊蔣介石係反面教員。

所以,只要了解毛澤東呢類話語嘅套路,睇清語境,就知佢講「感謝」擺明係反諷。

原圖嚟自網絡