喺抗日戰爭發生期間嘅中國東北哈爾濱嘅一個平房區入面,有一個專門負責做生物武器同化學武器實驗嘅地方,呢個地方係731部隊營區嘅基地。

731部隊係指喺抗日戰爭期間,日軍係日本領土以外負責從事氐物戰、人體實驗同埋細菌戰等相關實驗嘅一支軍事醫療部隊,而呢支部隊嘅負責人叫做石井四郎,所以又叫做「石井部隊」。731部隊係關東軍滿洲第691部隊嘅關東軍防疫給水部本部,呢支部對外就係宣稱研究防治疾病同埋食水等研究,但其實就係利用活體嘅中國人、朝鮮人同埋蘇聯人進行實驗,有研究指至少有10,000名中國人、蘇聯人、朝鮮人同埋同盟國戰俘喺抗日戰爭期間被殺害。

731部隊嘅基地由150餘座建築組成,入面設有飼養跳蚤嘅地方,亦有製造化學製劑、生物製劑嘅容器,入面會進行非人道實驗就好似凍傷實驗、低溫實驗、毒氣實驗、活體解剖等。據估計呢個基地喺1932年就已經建立,去到1945年8月12日,隨住蘇聯紅軍逼近牡丹江,日軍就先對呢度嘅在押人員進行大屠殺,再炸毀建築、遺棄化學武器,造成哈爾濱郊區曾經鼠疫流行以及出現遺留嘅化學武器傷人事件。

至於731部隊並冇被判罪,唔少原部隊成員後來仲加入埋日本醫療組織,喺中國嘅哈爾濱,仍然保留住日軍第731部隊舊址。

原圖嚟自網絡