喺二次世界大戰發生之前,日本國內就提出一種主張,覆蓋地區包括東亞、東北亞、南亞和大洋洲等地,呢個主張叫做「大東亞共榮圈」。

簡單嚟講,就係由日本喺二戰前提出,希望喺日本帶領之下,可以令到東亞、東南亞等地區由歐美列強嘅統治之中脫離、建立「共存共榮的新秩序」,而呢個諗法就同亞細亞主義好有關。

19世紀未至20世紀初嘅日本雖然算得上係工業國家,但就因為缺乏礦產資源而難以發展。當時日本國內就有一位叫做福澤諭吉嘅教育家喺《脫亞論》入面提倡日本同近鄰中國互助建設,呢個類似「大東亞共榮圈」嘅思想,逐步受到反殖民主義嘅支持者注意,當中更加有軍國主義及極端民族主義者支持,就好似大川周明。呢位同樣係二戰甲級戰犯,佢係民間倡導「大東亞共榮圈」嘅學者,大亞細亞主義者。戰前就積極宣揚呢種思想,仲策劃過三月事件同十月事件。

去到1938年,日本先聲稱同「滿洲國」及中華民國三地接合,再發出二次聲明號召建立「大東亞新秩序」。而當時日本國內相當流行所謂「大東亞」歪論,右翼學者大川周明鼓吹「建設」「大東亞共榮圈」。喺之後嘅幾年,日本取代歐美列強對殖民地嘅統治,目的就係徵集資源、勞動力等進行長期戰爭。於是就喺東南亞各佔領地,既有強制動員當地人從事土木工程、亦有徵用佢地從事礦山採集,掀起各地抗日運動。

原圖嚟自網絡