上環有座「細菌學檢驗所」？

喺十九世紀末去到二十世紀初，香港嘅細菌學研究仲係好落後，同時亦都有唔少重大疫症好似天花、鼠疫等等喺香港爆發。直到1906年，當時為咗長遠可以有放鼠疫同埋其他傳染病，當時港府就喺堅巷就正式設立一座永久檢驗所，原名叫做「細菌學檢驗所」。

細菌學檢驗所，以前又叫做舊病理檢驗所，係一座樓高兩層嘅愛德華時期紅磚建築。樓高兩層嘅紅磚建築設有一層地庫，同埋亦都有唔少中式建築同埋應對亞熱帶氣候嘅元素就好似拱廊、露台、雙層瓦頂等，當中仲有極為罕見嘅荷蘭式山牆同埋方尖塔形。

呢座香港首座細菌檢驗所位於上環半山區堅巷，喺1905年興建後一直用作細菌學研究；喺二次世界大戰結束後就改名做「病理檢驗所」，同時功能上亦都擴大。直到1960年代，香港病理學院遷往西營盤，呢座大樓就被用作疫苗生產線同埋做聯合書院理學院院址。再去到1972年，聯合書院理學院、政府疫苗生產線分別遷入馬料水同埋薄扶林域多利道，大樓就被香港衛生署病理部用嚟做醫療用品倉庫。呢座建築喺1990年被列為法定古蹟，依家係香港醫學博物館。