「亞洲最壯麗工程」—渣華道廉租屋邨

繼介紹完被譽為遠東規模最大地區性住宅計劃—蘇屋邨之後，阿史今次就想講下「亞洲最壯麗工程」—渣華道廉租屋邨，亦即係大家所講嘅北角邨。

北角邨係一個已經拆卸嘅公共屋邨，位處北角碼頭及巴士總站。呢個喺1950年代由香港屋宇建設委員會發展嘅屋邨位處渣華道，所以最初嘅時候亦都叫做渣華道廉租屋邨。渣華道廉租屋邨喺1958年1月完成所有工程，由此係香港當時大型嘅住宅項目，而且係為小康家庭提供優質居所，入面有齊獨立廚房及廁所，更有露台同埋應有嘅間隔，每座大廈亦都有升降機、區內亦都有商店、巴士總站、郵政局等設計。而且，呢個屋邨係罕有地建設喺海邊，更加係市中心，所以成個工程計劃亦都被稱為係「亞洲最壯麗工程」。

去到2000年3月，房署公布清拆北角邨重建，邨內近2000戶居民揀樓調遷，最後仲有幾戶居民唔捨得搬走而令到搬遷期限延長。