繼第二次世界大戰喺歐洲戰場爆發之後,日軍亦都向中國戰場正面展開第一次嘅大攻勢交戰,呢場戰役被稱為第一次長沙戰役,又叫做湘北會戰。

湘北會戰係指一場發生喺1939年9月至10月,喺湖南、湖北、江西三省接壤地區,由中國第九戰區對日軍進行嘅防禦戰役。喺呢場戰役入面,日軍集中咗十萬兵力由贛北、鄂南、湘北三個方向出發,向長沙進行大攻擊。當時第九戰區係由薛岳擔任司令官,防禦戰役嘅重點係為咗保衛長沙、以湘北為防禦重點,所以主要就有兩個作戰方針:「後退決戰」、「爭取外翼」。

喺9月17日,日軍就發起進攻,但當時就被國民革命軍從兩面反擊成功擊退,去到9月19日就一度入到新牆河地區,激戰持續到23日之後,中國軍隊就成功吸引日軍實施包圍,仲切斷佢地嘅補給線,10月6日令到日軍退返新牆河以北地區,而中國軍到就拎返鹿角、新牆、楊林街呢幾個地方。

原圖嚟自網絡