最後一場由日軍發動進攻大型戰役—湘西會戰

喺抗日戰爭嘅後期，位於湖南省中西部就曾經發生過一場，亦都係最後一場日軍喺中國戰場發起嘅大型戰役—湘西會戰。

湘西會戰又叫做雪峰山戰役，作戰嘅時間由1945年4月至6月，係由侵華嘅日軍發動，希望可以爭奪到芷江空軍基地，維持京漢，粵漢，津浦鐵路與長江航運，所以呢場戰役又叫做「芷江攻略戰」。而當時中美空軍亦都受到日軍嘅「一號作戰」影響，令到抗戰期間興建嘅機場同埋空軍基本大受破壞。

1945年4月，日軍以五個師團一個旅團發動湘西會戰，希望破壞埋美國戰略空軍在華嘅唯一前方機場；而中方就以陸軍總司令何應欽指揮第三、第四方面軍、第十集團軍防守作戰。戰事去到5月8日，中國軍隊就反守為攻，全線反擊，以一日時間令到雪峰山一線日軍後撤，去到20日仲令到日軍全線均告崩潰，中國第4方面軍開始全線追擊。湘西會戰勝利亦都標誌住日軍喺中國戰場攻勢結束。