圍繞長城爆發嘅戰爭—長城大會戰

喺1937年抗日戰爭爆發之前，日軍所製造嘅傀儡政權偽滿洲國對關內一早已經虎視眈眈，於是喺1933年1月1 到3月31日期間，圍繞長城就展開過數場戰爭，並且同熱河戰役相連接。

呢幾場戰爭統稱為長城大會戰，又或者長城抗戰，係1933年日軍以熱河省地方官員表示歸附偽滿洲國為理由，同偽滿洲國軍隊進軍熱河，當時嘅省長湯玉麟不戰而逃。後來，日軍就先進攻山海關、長城同埋熱河，分別展開山海關、喜峰口、羅文峪、古北口、南天門等幾場圍繞長城嘅戰爭，中方嘅軍隊最初都可以憑住長城險要抵禦日軍，但後來就因為軍備同戰略問題被逼撤退。

由此當時嘅國民政府係以「安內」作為目標，對於呢場戰爭係採取退讓嘅態度，所以最後係以簽訂塘沽協定暫時停戰，直到1935年12月成立冀察政務委員會，劃定冀東二十二縣為非武裝區，軍隊不得進入，但日軍就以「監察中國軍隊」名義留低駐軍，咁樣做就令到日軍喺發動七七事變上累積唔少實力。