尋日阿史就講到汪偽政權第二號人物陳公博,而呢個偽政權所建立嘅政府曾經仲有一位重要嘅領導人,佢叫做周佛海。

周佛海,本名周福海,早年到過日本留學,1920年施存統抵達日本之後,都係通過佢同陳獨秀取得聯繫,當時佢同施存統就被陳獨秀任命為「兩人為駐日本代表,聯繫日本同志」,推廣早期嘅中國共產黨。但喺1924年周佛海喺日本京都大學經濟系畢業返中國之後,佢就退出咗中國共產黨,加入中國國民黨做中央宣傳部秘書。

喺寧漢分裂之後,周佛海就支持以支持汪精衛為首嘅武漢政府,轉輾之下又轉投蔣介石出任南京中央陸軍軍官學校總教官,喺之後嘅一段時間,佢都有再同汪精衛聯絡,但就先後出任蔣介石侍從室副主任、中國國民黨中央宣傳部副部長、代理部長等職位。

去到1938年9月,佢同汪精衛夫婦投向日本,喺汪偽政權成立之後就出任行政院副院長。另外兼任財政部長、中央政治委員會秘書長等重要職位,仲同日本簽過兩次約。周佛海喺偽政權組成嘅政府出任過幾次重要職位,直到日本投降之後,佢就被認為是降日漢奸而被捕,喺1946年11月7日判處死刑,後來特赦減為無期徒刑,最終心臟病發死於南京市老虎橋監獄,享年50歲。

原圖嚟自網絡