英軍喺呢度登陸香港

提到香港開埠嘅歷史，港島就有一個地方需要提一提，就係位於上環同西環之間嘅水坑口，據講呢度就係駐紥升旗，登陸香港嘅地方。

水坑口，當年英國人係叫做屬領角Possession Point，而以前嘅華人就叫呢個地方做大笪地。屬領角同水坑口喺地理位置上係有啲分別，屬領角係近海邊，而水坑口就真係一條集山谷山水流入海嘅坑，但位置上嚟並唔係相差太遠。

早喺鴉片戰爭果陣，英軍就已經派出過測量船測量上環一帶嘅水域，當時就發現水坑口呢個地方地勢平均，近海得嚟附近又有高地，係一個方便軍隊停留嘅地方。於是，喺1841年1月20號，英軍就揀咗呢個地方登陸香港島同埋進行升旗儀式宣佈。雖然當時話係根據《穿鼻草約》，但事實上琦善重未得到道光皇帝允許，雙方亦未正式簽約，義律亦都係單方面公布呢條草約。