賭王何鴻燊一生咁傳奇，所以响九十年代就有電影公司以佢生平為藍本，拍咗兩套電影，呢兩套電影就係《賭城大亨之新哥傳奇》同《賭城大亨之至尊無敵》。呢兩套電影係由王晶编導、劉德華、萬梓良、邱淑貞等人主演，導演係王晶，出品人係向華強。《新哥傳奇》個故仔就係改編何鴻燊前半生發迹史，《至尊無敵》就講佢做咗賭王後嘅故事。而呢兩套電影當中內容好多都係由真事改編，好似戰時何鴻燊出海進行買賣遇劫，電影都有類似情節，而傳老揸被人綁票，新哥同郭英南返去梳打埠爭賭牌，個仔車禍身亡等，都係由真事改編。據悉當年何鴻燊睇完套戲後，大讚劉德華演新哥夠晒靚仔，仲相當神似。不過，佢亦講過自己「唔係咁多風流史」。

原圖：《賭城大亨之新哥傳奇》海報