賭王何鴻燊除咗開賭出名之外，佢生前都有唔少特別嘅故事，其中一個就係同圓明園有關。

話說响1860年英法聯軍之役，英法聯軍火燒圓明園，响圓明園海晏堂中央水池前兩脇所擺設嘅十二生肖獸首銅像被搶走，之後就流失咗唔知去咗邊。過咗一百年後，部分獸首銅像再出現返。响2003年，豬首嘅擁有者就將銅像轉讓中華搶救流失海外文物專項基金，何鴻燊就向呢個基金捐款600萬人民幣將豬首收購咗，仲捐贈給保利藝術博物館。到咗2007年，何鴻燊就再次出資，投得圓明園馬首銅像，後嚟仲將馬首銅像捐贈俾國家文物局。

原圖嚟自網絡