以往阿史都同史友們介紹過唔少關於廣州嘅歷史,廣州有過好多唔同嘅名,有叫做番禺城、羊城、又有簡稱廣或者穗,但原來有個講法話呢個地方最早係叫做楚庭。

位於華南嘅廣州,早喺秦朝以嚟就已經係群治、州治、府治等嘅行政中心,亦都係嶺南文化重要嘅發源地,而呢個地方據講最早嘅時候係叫做楚庭或者楚亨。相傳喺周夷王八年,南越國嘅人就同楚國嘅人一直有交流,後來楚王就派過人嚟到廣州呢個地方,設立過「楚庭」嚟紀念呢種關係,亦都成為廣州最早嘅名。所謂嘅「楚庭」,其實係五位身穿五彩五彩衣嘅仙人、騎五色羊賜贈六穗降臨嘅地方,係一個古老嘅傳說。

喺宜家嘅越秀公園入面,就有一座清朝順治年建成嘅石牌坊係刻有「古之楚庭」四個大字。

原圖嚟自網絡