金鐘有個舊軍火庫？

經過活化而保留落嚟嘅古蹟阿史都同大家介紹過唔少，但呢座由軍火庫改造成藝術館嘅建築，唔知史友們又有冇入過去睇呢？

位於金鐘正義道9號嘅亞洲協會香港中心，現時係一個會舉辦唔同展覽嘅藝術中心，喺2012年2月9日開放，但喺之前呢個地方其中一部份一直都係附屬於域多利軍營嘅域多利軍營軍火庫。

整體嚟講當年嘅軍火庫有四座建築物，分別喺1843年至1930年代落成，功能由研製去到儲存炸藥都有。建築群主要分成上下層，上層就係軍火庫同埋實驗室，亦都設有防爆土堤；而下層就係軍營同埋補給前哨站，當中火藥軌、軍火工場同埋軍火庫等都被保留落嚟，分別被列為一級、二級歷史建築。