近排BNO呢本護照，成為咗唔少討論申唔申請返本，因為英國個邊疑似放風話有BNO持有人，响英國免簽證入境時間可以由原先半年倍增一年咁喎。

唔少香港人出遊通常都係攞特區護照，但亦有部分人係攞住BNO。BNO，即入係英國國民（海外）護照，英文係British National (Overseas) passport，簡稱BN(O)護照。顧名思議，即係英國海外國民持有嘅護照，咁乜嘢係海外國民呢？好簡單理解就係英國殖民地居民喇！雖然呢本叫英國國民（海外）護照，但呢本護照嘅持有人，英國入境需要受到管制，仲要响英國本土係無居留同工作權利，即係絕大部分英國國民享有嘅權利，BNO持有人都唔會享有到。

咁BNO護照又係點嚟嘅呢？其實以前嘅香港人本身係同英國本土人士享有同等權利，但响1976年，英國個邊就建議修改國籍法，將殖民地英籍居民同英國國民區分開。最後，英國喺1981年將香港人歸入為「英國屬土公民」，剝奪咗英籍港人嘅居英權。到咗1984年，中英兩國落實咗香港响1997年回歸中國，而回歸後香港人擁有嘅英國屬土公民護照亦會失效。為咗解決呢個問題，於是英國就立咗條1985年香港法，增加咗「英國國民（海外）」呢個身份。後嚟香港出咗《1986年香港（英國國籍）令》，規定1987年7月1號開始，所有憑住香港關係而攞到英國屬土公民身份嘅人，都要轉做英國國民（海外）身份，擁有呢個身份嘅人，攞嘅都係英國國民（海外）護照，即係BN(O)喇！

原圖嚟自網絡