喺港島嘅灣仔區,有一個叫做掃桿埔嘅地方,現時呢個地方已經係唔少公共設施好似大球場、奧運大廈、東華東院以及馬場先友公墓嘅所在地,但喺以前,呢個小山谷曾經生產掃桿原料嘅地方。

掃桿埔,喺清朝嘅時候舊稱係叫做箒管莆,原因係真係因為呢度有唔少掃把用嘅掃桿所需嘅樹木。講起呢個地方,就同上水嘅廖氏有關,當時上水嘅廖氏擁有掃桿埔50畝農地,後來就租咗畀彭氏將荒土種成熟田,並且有個條件,就係頭十年都唔會起租。但係,掃桿埔鄰近海邊,絕對需要用海堤防止海水淹浸農田,每當廖氏族人前往箒管莆巡視,都會發現到海堤有缺損令到田地無辦法發展。

因為呢個問題,即使到咗十年之期彭氏拒付田租,而廖氏懷疑彭氏故意毀損海堤,無方法解決之下,就只好將部分田地送畀當地社學,再將其地田地變做公有田地,等官府負責收租,箒管莆村亦都係咁樣而嚟。

原圖嚟自網絡