廣東新會發生過「厓門海戰」

喺南宋末年嘅廣東厓門，宋軍同元軍就發生咗一場激烈嘅戰鬥，呢場戰鬥亦都直接象徵南宋嘅滅亡。

喺襄樊之戰後，南宋朝廷求和不成，於是年僅5歲嘅宋恭帝投降，臨安失守。當時楊淑妃喺楊亮節護衛下，帶同益王趙昰、廣王趙昺出逃，但點知元軍統帥伯顏繼續窮追不捨，佢地只好繼續逃亡。期間，趙昰登基成為皇帝，趙昺被加封為衛王，一眾大臣都被賜予新官位繼續抗元。

南宋政權一行人就先行喺福州、泉州停留過，喺端宗病死之後，衛王趙昺就去到碙州梅蔚登基，再逃難到厓山作為據點。去到呢位小皇帝登基嘅第二年，元軍就大舉進攻，據講當時。宋軍有20萬兵力，但元軍就只有2萬人，但最後就被元軍圍封海灣後一舉攻破，趙昺跳海自殺。《宋史》記載七日後，十餘萬具屍體浮海。