上世紀嘅香港起過唔少公共屋邨，除咗有公營機構參與呢個過程之外，仲有私營建屋團體，當中葛量洪夫人新村就係一個成品喇。

葛量洪夫人新村係由私營建屋團體「香港經濟屋宇協會」建設，亦都呢個團體唯一一個公屋項目，目前呢條公共屋邨已經拆卸。葛量洪夫人新村位於九龍大角咀通州街28號，係1955年6 月落成，一共有四幢樓宇，由於得到葛慕蓮贊助，所以取名都係自香港總督葛量洪爵士夫人葛慕蓮。

當年建設呢條屋邨嘅目的係為咗解決戰後住屋嘅問題，亦都係為盡快處理，當時港府就以一個優惠地價批地等私人建屋團體都可以參與。喺呢個計劃推出初期，係話會推出首期260個單位（後改為280個單位）並以低於市價價錢開放「認購」，而到咗1954年3月就已經有超過2000人認購，而當時亦都因為呢一點引起買賣合約問題，唔少居民都認為係買賣樓宇，但後來發現只係租賃，雙方仲對簿公堂。

去到1976年，屋邨地契期滿不獲續期，港府收返呢度仲拆卸其中一幢去起西九龍走廊。1982年就由房協接手，當時就宣布屋邨係非法僭建樓宇，1984年2月19日關閉屋邨及重建。

原圖嚟自網絡