喺元朗錦田嘅水頭村入面，有一座被列為三級歷史建築，係為咗紀念兩位上奏廢除遷海令嘅廣東官員而建成嘅，呢座就係周王二公書院。

喺清朝初年，有唔少明朝嘅遺臣都嘗試進行反清活動，當中就受到據受台灣嘅鄭成功勢力支援。於是早喺順治十八年就已經有遷海令，去到康熙元年，康熙就聽從咗鄭氏降將黃梧建議「滅賊五策」，其中一項就係再次頒布遷海令，規定沿海嘅居民向內陸遷入50里，以防佢哋支援反清勢力。

而遷海令長達20年，雖然成功令到鄭成功嘅勢力受到打擊，但咁樣做就令到唔少沿海居民失去生計，當中最受影響就係位於新安縣嘅居民。於是，兩廣總督周有德及廣東巡撫王來任就喺康熙四年上疏力陳遷海令對廣東地區造成六大害，直到康熙八年清廷批准復界及容許居民回鄉居住。

去到康熙二十三年，即係1684年，錦田居民就提議喺村內建立周王二公書院作為感謝周、王二人嘅功德，並且喺呢度會用作教育子弟。書院喺一年之後建成，正殿供奉周、王二公神位，並且門楣上書「周王二公書院」金漆大字，以後每十年一屆建醮，超度遷界亡魂，呢個習俗一直沿襲至今。

原圖嚟自網絡