提到香港開埠早期嘅歷史,有一個人不得不提,佢既係香港政府首任裁判官,同時都係監獄總長、經歷司,仲曾經接任過署理港督。

今次阿史想介紹嘅人就係威廉·堅,香港島半山嘅堅道同堅巷都係以佢名。佢本身係1798年喺英國出世,好細個就去咗印度從軍,後來就加入咗第廿六團做咗團長,參與過鴉片戰爭。

冇幾耐喺英軍登陸香港島之後,義律就因為威廉·堅曾經有過喺舟山擔任首席裁判官經驗,就搵佢嚟香港負責治理。到咗1841年,佢先上任做香港政府首位裁判官,3年之後就成立香港警隊,並且仲有興建監獄,做埋監獄長,一身多職歷時18年。

去到1846年,佢就再次成官,先係升到經歷司,兼任核數司,呢個時候佢已經係港督嘅副手。直到1859年佢離任退休為止,佢就經歷過5任港督 。集司法同行政權力於一身嘅佢,就曾經被人舉報過貪污,仲有一位《華友西報》嘅 泰倫 (William Tarrant)經常發文批評佢,結果最後《華友西報》嘅編輯仲被佢告返轉頭要坐監。

原圖嚟自網絡