中國近代歷史上出過唔少猛人，今次阿史想介紹嘅呢位係中國現代嘅數學家，解析數論、典型群、矩陣幾何學等嘅研究創始人與奠基者，亦都被公認為係世界上最具影響力嘅數學家之一嘅華羅庚。

華羅庚出生喺1910年嘅江蘇，由於家貧就只可以通過免學費嘅方式去上海讀書，但最後都係因為無力付擔雜費、住宿費而退學。去到1926年，佢就只好返到金壇，喺呢個時候佢亦都開始自學數學，並且陸續喺《科學》發表研究。繼解構過《施圖姆定理之研究》、《蘇家駒之代數的五次方程式解法不能成立之理由》後，佢嘅才華被清華大學數學系主任熊慶來教授發現，亦都請佢去到清華大學。當時華羅庚用咗一年幾時間就完成咗大學數學系課程，並且，自學咗英、法、德、日幾種語言，1934年仲做埋講師。

隨住英國數學家諾伯特•維納訪華，認識到華羅庚之後，佢就向另一位著名數學家戈弗雷•哈羅德•哈代推薦，令到華羅庚可以訪問劍橋大學。喺40年代到50年代期間，華羅庚就先後去過蘇聯、美國任教同訪問，出席過唔少世界數學家代表大會，學術成就相當出色。

喺佢晚年，佢仲被評為第三世界科學院院士、美國科學院外籍院士以及聯邦德國巴伐利亞科學院院士等。喺1985年6月12日，佢就去到到日本東京大學作學術報告交流，但點知報告完之後就急性心肌梗塞倒喺講台上，送院後證實不治終年75歲。

原圖嚟自網絡