早排阿史就同大家介紹咗唔少清朝嘅歷史，而講到清朝最出名嘅，其中一樣當然就有「三山五園」啦！

「三山五園」係指喺清朝康熙年間開始興建嘅皇家園林，大多都位於泉水豐富嘅北京西北部，而早喺明朝嘅時候，呢一帶就有過唔少私家園林。關於「三山五園」歷代都有唔同嘅講法，而當中最主流嘅就係話亞山係指香山、玉泉山以及萬壽山；而五園就係指三山上面嘅靜宜園、靜明園、清漪園以及鄰近嘅暢春園、圓明園。亦都有講法話，五園其實係指圓明園、長春園、綺春園、暢春園、西花園等。

雖然「三山五園」好出名，但始終都係逃唔過戰火嘅摧殘。喺1860年嘅第二次鴉片戰爭，唔少嘅園林就被焚毀，圓明園就係大家最熟悉嘅一個。

原圖嚟自網絡