早幾日阿史就介紹過香港嘅一個傳奇人物,首名華人大律師、首名華人立法局議員—伍廷芳之後,但其實佢威水嘅事又點止呢啲?伍廷芳當年其實仲參與過一次1911年嘅南北議和。

1911年即係辛亥革命嘅時侯,當時早喺10月就爆發四川保路運動,令到革命黨可以乘機發起武昌起義,一時之間攻落武漢三鎮,成立鄂軍都督府,推舉黎元洪為都督。至於清軍方面,就由袁世凱為欽差大臣、內閣總理大臣,喺議和之前,佢就派出舊部劉承恩、副官蔡廷幹作為私人代表,到武昌與革命黨人商議。

喺12月18日南北議和開幕之前,其實關內十八行省都發生過武裝起義,仲有十三個省份宣佈獨立。以孫中山為代表南方革命省份就由伍廷芳作為民國議和全權代表,汪精衛作為參贊一同參與;而北方就由唐紹儀作為北方議和全權代表,當時仲有英、美、德、法、日、俄等六國駐滬總領事參與呢次議和。

呢次議和最後以孫中山先生喺南京就任臨時大總統,袁世凱撤銷唐紹儀和談代表資格暫時作結。

原圖嚟自網絡