民國成立初期，地方政府都受到各省軍閥控制，而全國政權更加係落入以袁世凱為首北洋軍閥手中。喺1916年袁世凱死後，原本係第一任副總統嘅黎元洪就繼任大總統，至於北洋軍分裂出嚟嘅皖系軍閥段祺瑞就出任國務總理掌握軍政大權，北洋軍分裂出嚟另一個勢力直（直隸）系馮國璋就當選副總統。而段祺瑞其實依附咗日本，於是喺行政上同黎元洪以及馮國璋有住政治上嘅鬥爭，呢場爭鬥被稱為「府院之爭」。

「府院之爭」之爭，又叫做黎段之爭，係一場發生喺總統府與國務院之間嘅權力鬥爭，事件先係喺段祺瑞下令將孫洪伊撤職，而黎元洪拒絕令到府院之間陷入第一次矛盾。後來再次喺第一次世界大戰問題上有住相反意見，令到1917年3月4日段祺瑞帶同全體閣員到大總統府要求黎元洪喺國務院提出對德絕交案嘅咨文上蓋印，呢次黎元洪都係照舊拖延，令到段祺瑞離京赴天津，經過馮國璋調解先肯返北京。

去到1917年，喺日本嘅鼓動之下，段祺瑞政府對德宣戰，並且想威脅黎元洪同埋國會同意參加戰爭。於是黎元洪就喺同年5月罷免段祺瑞，段祺瑞憤然離京去津，並且指根據《中華民國臨時約法》總統無權撤銷總理職務，命令各省督軍宣佈獨立，仲想進兵北京。最後就搞出清末帝一度復辟嘅鬧劇，下次再同史友們接住講。

原圖嚟自網絡