嘩嘩嘩!最近釣魚島又有新聞喇!日本沖繩縣石垣市嘅市議會打算表決議案,將「釣魚島」改名做「登野城尖閣」,外界估計,石垣市議會呢次作出嘅小動作誓將掀起中國同日本新一輪嘅政治風波。
關於釣魚台嘅歷史阿史都講咗好多次,不過都唔介意再介紹下。响1971年,美國同日本簽署《歸還沖繩協定》,確定將琉球群島嘅管理權於1972年移交俾日本。但呢個協定就包括咗中國擁有主權嘅釣魚台以及周遭島嶼,結果呢個領土糾紛到咗今時今日都未搞掂,多年嚟都係中日關係一個非常重要議題。响日本,東京政府一直話釣魚島係屬於石垣市所管轄,而响石垣市內亦有所謂「守護『尖閣諸島』」嘅民間組織存在。
不過,中國早响明清年代已經對釣魚島有清楚嘅文字記錄,亦成為釣魚台諸島「自古以來是中國的」嘅重要證據,相關詳情過兩日再講。
原圖嚟自網絡