粉嶺龍躍頭天后宮

尋日阿史就同大家介紹完由彭氏去到鄧氏嘅龍躍頭歷史，而喺呢五四六村入面，有住唔少珍貴嘅歷史建築同文物，今次阿史就同大家介紹一下龍躍頭天后宮。

龍躍頭天后宮嘅建成年份至今已經好難稽考，但如果係按照廟內嘅古鐘推算，至少係喺1695年之前建成。天后宮位處龍躍頭松嶺鄧公祠同埋老圍之間，係一間好重要嘅廟宇，整體格局係兩進三開間，中間設有天井。呢座建築物以木構瓦頂同埋青磚構成，正面仲保留住唔少精美嘅灰塑及壁畫，都係關於中國民間嘅傳統故事。

廟內係供奉住天后，但同埋都係佢嘅侍神千里眼同埋順風耳，相當有特色。講開又講，除咗上面提到嘅1695年古鐘，其實廟內仲有一個鑄於1700年嘅古鐘，相傳係為村中子弟出門去省城應試，去出發之前祈求路上平安嘅酬神之物。