「晚清四大名臣」 曾國藩

介紹完晚清四大名臣之一嘅李鴻章之後，當然就要同大家講一講兒時教育過佢嘅另一位名臣—曾國藩。

曾國藩，系出曾氏南宗，係宗聖曾子第七十世嘅孫，官至武英殿大學士、兩江總督，後來仲被封為一等毅勇侯。佢出生喺湖南長沙，道光十八年中咗進士，仲做埋軍機大臣穆彰阿嘅得意門生。喺佢從政生涯入面，處理過唔少重大嘅事件，就好似圍剿太平軍，接受咸豐帝密令籌備洋務運動，仲幫手到外國購買機器、創辦安慶內軍械所，自主製造洋槍洋砲，而且仲派遣幼童赴美留學，係成個洋務運動之中嘅主要成員。

講到佢出色之處，當然唔單止係仕途方面，仲有就係佢嘅文學同埋儒學。佢係晚清古文「湘鄉派」，繼承桐城派方苞、姚鼐嘅風格，選編一部《經史百家雜鈔；而儒學方面，佢就奉行「程朱理學」，亦都由自己官場所見所聞對程朱理學作出改良，推進儒學的發展。